12ی کانوونی یەکەم/دیسەمبەر(گوڵان میدیا)- وه‌زاره‌تی نه‌وتی عێراق ڕایگه‌یاندووه‌ له‌ مانگی كانوونی دووه‌می داهاتووه‌وه‌ نرخی نه‌وت بۆ كڕیاره‌ ئه‌مه‌ریكاییه‌كان به‌رز ده‌كاته‌وه‌، له‌ به‌رانبه‌ریشدا داشكاندن بۆ ئه‌وروپاییه‌كان ده‌كات.

به‌گوێره‌ی ڕاگه‌یه‌ندراوێكی وه‌زاره‌تی نه‌وتی عێراق له‌ مانگی داهاتووه‌وه‌ بڕی 2 دۆلار و 40 سه‌نت ده‌خرێته‌ سه‌ر نرخی هه‌ر به‌رمێلێك نه‌وت كه‌ كڕیاره‌ ئه‌مه‌ریكاییه‌كان له‌ عێراقی ده‌كڕن.

هه‌روه‌ك له‌ به‌رانبه‌ریشدا بڕی 4 دۆلار و 60 سه‌نت بۆ هه‌ر به‌رمیلێك بۆ كڕیاره‌ ئه‌وروپییه‌كان داده‌شكێنرێت.

به‌گوێره‌ی به‌ڕێوه‌به‌ری كۆمپانیای \"سۆمۆ\"ـی عێراقی ئه‌م هه‌نگاوه‌ بۆ ئه‌وه‌یه‌ كه‌ كڕیاری ئه‌وروپایی بۆ نه‌وتی عێراق زیاتر بكرێت، چونكه‌ له‌ ئێستا نزیكه‌ی ته‌نها 28-30% به‌رهه‌می هه‌نارده‌كراوی عێراق بۆ ئه‌وروپا دێت.