8ـی کانوونی یەکەم/دیسەمبەر(گوڵان میدیا)- له‌هۆڵی سه‌نته‌ری رۆشنبیری و كۆمه‌لاَیه‌تی زانكۆی سه‌لاَحه‌ددین به‌ ئاماده‌بوونی پرۆفیسۆری یاریده‌ده‌ر د. ئه‌حمه‌د ئه‌نوه‌ر دزه‌یی سه‌رۆكی زانكۆی سه‌لاَحه‌ددین و پرۆفیسۆری یاریده‌ده‌ر د. ئیبراهیم حه‌مه‌رِه‌ش یاریده‌ده‌ری سه‌رۆكی زانكۆ و ژماره‌یه‌كی به‌رچاو له‌ مامۆستایانی زمانی ئینگلیزی زانكۆكانی ناوه‌رِاست و خوارووی عێراق و نوێنه‌ری ئه‌نجوومه‌نی رۆشنبیری به‌ریتانی و رێكخراوی ماكمیلانی په‌روه‌رده‌یی به‌ پاڵپشتی زانكۆی سه‌لاَحه‌ددین و سپۆنسه‌ری رێكخراوی ((MACMILLAN EDUCATION،تۆرِى مامۆستایانى ئینگلیزى كوردستان Kurdistan English Language Teachers Professional Network(KELPTN) له‌ ساڵیادی دامه‌زراندنیدا یه‌كه‌مین كۆنفرِانسی به‌ناونیشانی (فێربوونی زمانی ئینگلیزی وه‌ك زمانی دایك) له‌سه‌ر ئاستی هه‌رێمی كوردستان و عێراق له‌ شاری هه‌ولێر ساز كرد.

له‌ ده‌ستپێكی كۆنفرِانسه‌كه‌دا سه‌رۆكی زانكۆی سه‌لاَحه‌ددین رایگه‌یاند: زانكۆكه‌یان ماڵی هه‌موو مامۆستا عێرقییه‌كانه‌ وه‌ك زانكۆیه‌كی ئاست به‌رز چ له‌سه‌ر ئاستی ولاَتانی عه‌ره‌بی و چ له‌سه‌ر ئاستی نێوده‌وڵه‌تی.

پاشان نوێنه‌ری ئه‌نجوومه‌نی رۆشنبیری به‌ریتانی (British Council)و رێكخراوی ماكمیلانی په‌روه‌رده‌یی(MACMILLAN EDUCATION)و سه‌رۆكی تۆرِی مامۆستایانی كوردستان وتاریان خوێندنه‌وه‌، كۆنفرِانسه‌كه‌ كه‌ له‌ كاتژمێر 9ی به‌یانی تا 3ی ئێواره‌ خایاند تیایدا ژماره‌یه‌ك له‌ مامۆستایانی زانكۆكانی ( كامبێرج، واست، به‌سرا، سه‌لاَحه‌ددین، به‌غدا، سلێمانی، دهۆك) سمیناریان پێشكه‌شكرد له‌ باره‌ی شێوازی تازه‌ی وتنه‌وه‌و فێركردنی زمانی ئینگلیزی و سوود وه‌رگرتنی ئامرازه‌كانی ته‌كه‌نه‌لۆژیای سه‌رده‌م بۆ خوێندنی زمانی ئینگلیزی و پێشخستنی تواناكانی مامۆستایان.