|
سایتی هەفتەنامەی گوڵان لەلایەن توركیاوە هاك كرا
سایتی
گوڵان كە ماڵپەڕی هەفتەنامەی گوڵانە و ماوەیەكە هەنگاوی زۆر كاریگەر و باشی
ناوە لە بواری رۆژنامەگەری كوردیداو، زۆرترین گەورە بەرپرسانی ئەوروپی و
ئەمەریكی و تەنانەت توركیش دێنێتە قسە و لێدوان دە هەمبەر چارەنووس و
ئایندەی عێراق بەگشتی و كوردستان و كورد بەتایبەتی، توركەكان و دوژمنانی
ئازادی و دیموكراتی كێچیان كەوتۆتە گیان و تا دوێنێ ئەم سایتەیان هاك كرد،
وەك ئەوەی ئەمە چارەسەر بێت بۆ درێژەدانیان بەئازاردان و چەوسانەوەی گەلان.
ئەم
جۆرە ئەقڵییەتەی تورك تا ئێستا پیادەی دەكات، ئاشكرا رایدەگەیەنێت تەنیا
میللەتێك لەسەر دونیا هەبن توركن، دان بە هیچ نەتەوە و میللەتێكی تر نانێن،
كەتا ئێستا ئەم عەقڵییەتە سەقەتە گەورەترین و زۆرترین زیانی مادی و گیانی
و.. هتد بە دەوڵەتی تورك گەیاندووە.
گوڵان
هەفتەنامەیەكە بە بێدەنگی و بەهێمنی بەرامبەر پرسە زۆر حەساسەكان هەڵوەستە
دەكات و تاوتوێی بۆچوون و لێكدانەوەی گەورە بەرپرسان دەكات و بەقەد خۆی
هەوڵ بۆ سەربەخۆیی كوردستان دەدات و ناشیەوێت موبالەغە و پیاهەڵدان بۆ هیچ
كەسێك بكات، بەڵكو زۆر جار پێشبینییەكانی گوڵان راست هاتوونەتە دی، بەمەش
مسداقییەتی رۆژنامەگەریی زیاتر قووڵ كردۆتەوە.
گولان بەوردی رووداوە گەرما و گەرمەكان تەتەڵە دەكات و گرفتی توركان لەگەڵ
كورد و كوردستان و تەنانەت عێراقیش دەخاتە بەر دیدی خوێنەران.
تا
توركیا بڕوا و قەناعەت بەدیموكراسی و مافی مرۆڤ و سەربەخۆیی گەلان نەهێنێ،
هەر ئاوا لەبازنەیەكی بۆشدا دەخولێتەوە، نەك تەنیا بەرامبەر بە دەرەوە و
وەرگرتنی لە یەكێتی ئەوروپا و گرفتی لەگەڵ كوردان، بگرە لەناوخودی خۆیدا.
گەورەترین گرفتی بۆخۆی ناوەتەوە. |
