سەرەتا  |   ھەواڵ  |   دیمانە  |   راپۆرت  |   گەلەری  |   لینك  |   گوڵان
  ||  شیرلین شوپرا هاوسۆزی خۆی دەربڕی  ||  نەجلا بەدر : دیمەنەکانی پێشتر دووبارە ناکەمەوە .  ||  كەیت وینسلت : بۆچی لە ئۆسكاری 2009 ناوی (هارفی وینستین)ی نەهێنا .  ||  بڵاوبوونەوەی وێنەیەكی منداڵیی خالد الصاوی .  ||  لیمۆ هەورامی : هونەر ماندووبوون و خەرجی زۆری دەوێ .  ||  شەنگە كركوكی : عاشقی هونەرم .  ||  دیلانار یەڵدز:بەشێك لە گۆرانیبێژان هونەریان سووك كردووەو كاری زۆر خراپ بەناوی هونەرەوە دەكەن.  ||  دوایین هەواڵی نالەباری تەندروستی جۆرج وسوف .  ||  یەڵدا عەباسی : مۆسیقای كۆن و رەسەن لە خوێنمدایە .  ||  دزەكەی كیم داوای لێبووردنی لێدەكات .  ||  نارین فەقە : هونەرمەندان رۆڵی خۆیان لەرووی نەتەوەیی و نیشتمانییەوە بینیوە .  ||  كاتی پرایس دەیەوێ گورچیلەیەكی خۆی ببەخشێت.  ||  جاكی شان : بە نیازین بەشی چوارەمی Rush Hour بەرهەم بهێنیین .  ||  لیۆناردۆ پاڵپشتی لە پاراستنی ژینگە دەكات.  ||  كانجانا رانوت لە نواندنەوە بۆ دەرهێنان .  ||  لەیدی جاجا یەك ملیۆن دۆلار دەبەخشێت بۆ هاوكاری لە لێقەوماوانی ئیرما .  ||  پونام وێڵە ....  ||  لالە ئەسكەندەری : هونەرمەندیش ژیانی تایبەتی خۆی هەیە و پێویستە رێزی لێ بگیرێ .  ||  كەوسەر جەبارە :بەشێك لە فیلمە كوردییەكان توانیویانە وێنای راستەقینەی كارەساتەكانی گەلی كورد بكەن.  ||  حه‌سنا مه‌ته‌ر گۆرانییه‌ك بۆ جه‌ژنی كوردستان ده‌ڵێت
بە داخەوە هونەری ئۆپێرا لە باشووری كوردستان بایەخی پێ نادرێت ..
خۆشحاڵ و سەربڵندم كە وەك هونەرمەندێكی رۆژئاوای كوردستان لە سیمفۆنیای شنگالدا بەشداریم كرد.

ئالین بە سروودی بارزانی بەشداری لە كەرنەڤاڵی ریفراندۆمدا دەكات

به‌رواری دابه‌زاندن: 12/09/2017 : 16:05:38
خانمە هونەرمەندی رۆژئاوای كوردستان ئالین رایگەیاند كە خەباتی هونەرمەندانی كورد هەمیشە بەشێك بووە لە خەباتی میللەتی كورد دژی داگیركەران و ئەوانەی بە درێژایی مێژووی خوێناوی میللەتەكەمان هەوڵیان داوە بە هەموو شێوەیەك كەلتوور و زمانی كورد بسڕنەوە و لەو رێگایەوەش هەوڵی نەمانی كورد بدەن، بەڵام رۆڵەكانی كورد رووبەروویان بوونەوە و توانییان ئەم كەلتوور و زمانە بپارێزن و لەم رووەوەش رۆڵی هونەرمەندان دیار و بەرچاوە.
لە بارەی ریفراندۆمی گەلی کوردستانەوە لە لێدوانێكدا ئالین رایگەیاند: خۆشەویستی هونەرمەند بۆ هونەر و وڵاتەكەی گەورەترین هاندەری بەردەوام بوونیەتی لە هونەر و كاركردنی بەردەوام بۆ پێشكەش كردنی كاری جوان بە جەماوەرەكەی و خزمەتگەیاندن بە كوردستان لە رێگای هونەرەوە بەتایبەتی لەو قۆناغە مێژووییەی ئێستا میللەت كورد پێیدا تێپەڕ دەبێت کە میللەتی ئێمە لە باشووری کوردستان لەبەردەم دووڕیانێکی گەورە و چارەنووسسازدایە ئەویش بریتییە لە ریفراندۆم و هەنگاونان بۆ سەربەخۆیی کوردستان، و هێنانەدیی ئەو خەونەی سەدان ساڵە گەلی کوردستان چاوەڕوانیەتی، ئێمەی هونەرمەندانی کوردیش پێویستە بە هەموو هێز و توانایەکمانەوە پشتیوانی لەو پرۆسەیە بكەین و پێموایە كار و بەرهەمەكانمان باشترین هۆكار و وەلامە بۆ دوژمنان و لە هەمان كاتدا بۆ هاندانی رۆڵەكانی وڵات بۆ ئەوەی بە جۆش و خرۆشەوە بەشداری لەو پرۆسەیەدا بكەن.
ئالین دەربارەی كارە هونەرییەكانی خۆی و گرنگیدانی بە لایەنی نیشتمانی دەڵێ: هەموو كارە هونەرییەكانم بۆ خزمەت كردنی هونەر و كەلتووری كوردی، بەڵام ژمارەیەك سروودم تایبەت بوو بۆ كوردستان و ئەو تراژیدیا و كارەساتانەی رووبەرووی میللەتەكەمان بوونەتەوە و دوایینیان گۆرانییەك بوو بە هەردوو زمانی كوردی و ئەڵمانی كە لە بەرەكانی جەنگی داعش كلیپەكەمان تۆمار كرد لە نێو هێزی پێشمەرگە ، ئێستاش لە سەرووبەندی ئەنجامدانی ریفراندۆم سروودێكی نوێم تەواو كردووە بە ناوی (بارزانی) كە مامۆستای نەمر ئارام تیگران پێشكەشی كردووم و مافی وتنەوەی پێبەخشیوم، منیش پێشكەشی گەلی كوردستانی دەكەم بە بۆنەی ئەنجامدانی ریفراندۆم، لە ماوەی چەند رۆژی رابردوودا تۆمارمان كردووە و بە كلیپیش بڵاوی دەكەمەوە، لە دەرهێنانی رێناس میرانە، ئەم گۆرانییە باس لە گەورەیی سەرۆكی نەمر مستەفا بارزانی و رۆڵی ئەم سەركردە نەمرە لە خەباتی بزاڤی ئازادیخوازی میللەتەكەمان لە پێناو گەیشتن بە ئامانجەكانمان و هێنانەدیی خەونەكانمان كە خۆیان لە سەربەخۆییدا دەبینێتەوە.
ئالین هەروەها دەڵێ: بەم سروودە نوێیە پشتیوانی و پاڵپشتی خۆم بۆ سەربەخۆیی كوردستان و زیندوو كردنەوەی خەباتی سەركردە نەمرەكانمانە و هیوادارم توانیبێتم خزمەتێك بە هونەری كوردی بكەم و بەم بۆنەیەوە دووبارە داوا لە هەموو میللەتی كوردستان دەكەم روو لە سندوقەكانی دەنگدان بكەن بە (بەڵێ) دڵسۆزی و وەفاداری خۆیان بۆ كوردستان دووپات بكەنەوە و دوژمنانمان بێ ئومێد بكەن.
Share
        ئه‌م بابه‌ته‌ ( 1204 ) جار خوێندراوه‌ته‌وه‌