سەرەتا  |   ھەواڵ  |   دیمانە  |   راپۆرت  |   گەلەری  |   لینك  |   گوڵان
  ||  سوپرایزێكی عەمرو دیاب و شاكێرا .  ||  عەدنان كەریم ئەلبۆمێكی نوێ بڵاودەكاتەوە .  ||  جنیفەر لۆرانس بیر له وازهێنان دەكاتەوه.  ||  لە نێو ماڵیش واز لە ئیشواریا ناهێنن.  ||  جۆن تراڤۆلتا بە دەستدرێژی تۆمەتبار دەکرێت.  ||  ڕەنگ , شاڕەگــەزی شێوەكاری .  ||  دەرهێنەرێكی بەناوبانگی وڵاتی توركیا كوژرا .  ||  سعودیە مۆڵەت دەدات بە كردنەوەی هۆڵی سینەما لە 2018 دا.  ||  ئەو ساتانەی ناسڕێنەوە ,(سەد و یەك رۆژ پەناگیری).  ||  لەسەر كێشەكەی شیرین بڕیاری كۆتایی درا .  ||  شاخەوان كەركووكی چاوەڕێی سپۆنسەرە .  ||  فیلمێكی كوردی خه‌ڵاتی" بیرۆكه‌ و سیناریۆ"ی فیستیڤاڵی سه‌ماوه‌ی به‌ده‌ستهێنا .  ||  شەمس : كەسانی دۆڕاو پروپاگەندە دەكەن .  ||  ميلا : دایكم ئەكتەر بوو، بەڵام هیچی فێر نەكردم .  ||  دیلان خۆشناو : حەزدەكەم منیش عاشق بم تاکو تێكست بۆ خۆشەویستی بنووسم .  ||  مادلین عاشقی گەشت و گەڕانە .  ||  شەیما ئەشرەف : حەز ناكەم تەنیا پشت بە جورئەت ببەستم و پێی بناسرێم .  ||  سیرینا ساریكایا دەكەوێتە بارودۆخێكی ناخۆشەوە .  ||  بۆ یەكەم جار (ماجدە رومی) لە سعودیە ئاهەنگ دەگێڕێت .  ||  هەڵوێست گۆرانییەكی نوێی خۆی بڵاو دەكاتەوە .
زۆرێك لە كچ و كوڕانی كورد هەن كە خاوەن بەهرەی هونەرین و تواناكانی خۆیان دەرخستووە لە بوارە جیاجیاكان و توانیویانە جگە بە زمانی دایك، بە زمانەكانی دیكەش گۆرانی بڵێن , دیلانیش ..

ئەمیرە بە تابلۆیەك پشتگیری لە ریفراندۆم دەكات.

به‌رواری دابه‌زاندن: 21/09/2017 : 10:03:04
تابلۆی (بەڵێ بۆ سەربەخۆیی) یەكێكە لە تابلۆكانی خانمە هونەرمەندی شێوەكاری كورد ئەمیرە ئەلوەنداوی كە بەم دواییە تەواوی كردووە و گوزارشت لە گرنگی پرۆسەی ریفراندۆم دەكات و داوا لە خەڵكی كوردستان دەكات كە لە رۆژی 25/9/2017 بە دڵ و گیان ئامادە بن و دەنگ بۆ سەربەخۆیی بدەن و ئەم رۆژە بكەن رۆژی ئاهەنگ و شادی.
لەم بارەیەوە ئەمیرە لە لێدوانێكدا وتی: رۆژی ریفراندۆم مێژووییە بۆ میللەتی كورد، رۆژی گەیشتنە بە مافە رەواكانمان و دامەزراندنی دەوڵەتی كوردستان، منیش وەك كوردێك هەوڵمداوە لە ریگای كارێكی هونەرییە پشتیوانی و پشتگیری خۆم بۆ ئەم پرۆسە مێژووییە دەرببڕم ئەویش بریتییە لە تابلۆیەك بە ناوی سەربەخۆیی.
دەربارەی بیرۆكەی تابلۆكە ئەمیرە ئەلوەنداوی وتی: بیرۆكەی تابلۆیەكە رۆژی 8/6/2017 كە رۆژی دیاری كردنی وادەی ئەنجامدانی ریفراندۆمی سەربەخۆیی كوردستانە لەلایەن سەرۆكایەتی هەرێمی كوردستانەوە، منیش وەك هونەرمەندێكی كورد بڕیارمداوە بە تابلۆیەك بەشداری لەو پرۆسە مێژووییەدا بكەم كە گوزارشت لەم ساتە مێژووییەدا بكەم لە مێژووی گەلی كوردستان و ئەویش بە شێوازی تایبەتی خۆم.
دەربارەی ناوەڕۆكی تابلۆكە ئەمیرە وتی: (بەڵێ بۆ سەربەخۆیی) گوزارشت لە وشەی (بەڵێ) دەكات كە بەچەندین زمانی جۆراوجۆری نەتەوەكانی كوردستان نووسراوە ئەمەش وەك هێمایەك بۆ ئەو فرە رەنگیە نەتەوەیی و ئاینییەی كە لە كوردستاندا هەیە و لە كۆتاییدا ئاڵای كوردستان پێكدەهێنن وەك هێمایەك بۆ كۆدەنگی پێكهاتەكانی و هەوڵدانیان بۆ سەرخستنی ئەم پرۆسەیە و گەیشتن بە ئامانجە گەورەكە كە بریتییە لە سەربەخۆیی كوردستان.
ئەمیرە ئاماژەی بەوەش كرد تەواوبوونی تابلۆكەی نزیكەی دوو مانگی خایاند هەر لە دانانی دیزاینە سەرەتاییەكانی تاكو تەواو بوونی و زیاتر وتی: دوو تابلۆی هاوشێوەیەی یەكترم درووستكردووە، بەڵام یەكیان تەنیا وشەی (بەڵێ)ی بە زمانی كوردی لەسەر نووسراوە و لەبەر قەبارەی گەورەی هەردوو تابلۆكە زۆر بە زەحمەت توانیم لە ئەڵمانیاوە بیانهێنمەوە كوردستان و ئاستەنگی زیاتری بۆ درووستكردم لە زۆر رووەوە، بەڵام هەرچۆنێك بێت توانیم لە كاتی خۆیدا بیگەینمە كوردستان بۆ بەشداری كردن زەماوەندی ریفراندۆم و سەربەخۆیی كوردستان.
لە كۆتاییدا ئەمیرە ئەلوەنداویی هونەرمەند وتی: خەونی گەورەی من ئەوەیە كە ئەم تابلۆیە لە هەڵمەتی پروپاگەندەی ریفراندۆمدا بەشێوەیەكی بەرفراوان سوودی لێ وەربگیرێت جا بەكارهێنانی بێت لە پۆستەرەكان یان لە رێگای چاپ و هۆكاری دیكەی ئەلیكترۆنی و لە كۆتاییدا شوێنێكی هەبێت لە مۆزەخانەی دەوڵەتی سەربەخۆی كوردستان كە زۆر نزیك بۆتەوە.
Share
        ئه‌م بابه‌ته‌ ( 190 ) جار خوێندراوه‌ته‌وه‌